चीनका पूर्वराष्ट्रपति जियाङ जेमिनको निधन- विश्व - कान्तिपुर समाचार
कान्तिपुर वेबसाईट
AdvertisementAdvertisement

चीनका पूर्वराष्ट्रपति जियाङ जेमिनको निधन

कान्तिपुर संवाददाता

काठमाडौँ — चीनका पूर्वराष्ट्रपति जियाङ जेमिनको निधन भएको छ । जेमिनको रक्त क्यान्सरका कारण शरीरका विभिन्न अंगले काम गर्न  छाडेपछि निधन भएको चिनियाँ सञ्चारमाध्यम सिन्ह्वाले जनाएको छ ।

उपचारकै क्रममा बुधबार दिउँसो सांघाईमा उनको निधन भएको जनाइएको छ । उनी ९६ वर्षका थिए ।

सन् २०१९ मा पार्टीको एक कार्यक्रममा राष्ट्रपति सी चिनफिङ र तत्कालीन प्रधानमन्त्री ली कछ्याङसँग पूर्वराष्ट्रपति जियाङ जेमिन । फाइल तस्बिर : रोयटर्स

जेमिन सन् १९९३ देखि २००३ सम्म चीनको राष्ट्रपति थिए । उनीपछि चीनमा हु जिनताओले शासकीय जिम्मेवारी सम्हालेका थिए । जियाङ जेमिन सन् १९९६ मा नेपाल आएका थिए ।२०५३ साल मंसिर २० गते जेमिन नेपाल भ्रमणमा समेत आएका थिए ।

सन् १९८४ मा चीनबाट राष्ट्रपतिस्तरबाट भ्रमणको सुरुवात भएको थियो । ली सियन नियन नेपाल आउने पहिलो चिनियाँ राष्ट्रपति हुन् भने वर्तमान राष्ट्रपति सी तेस्रो । राष्ट्रपति सी ३ वर्षअघि नेपाल भ्रमणमा आएका थिए ।

प्रकाशित : मंसिर १४, २०७९ १४:४४
प्रतिक्रिया
पठाउनुहोस्

स्याङ्जा-२ र बाजुरामा मतगणना सुरु गर्न आयोगको निर्देशन

कान्तिपुर संवाददाता

काठमाडौँ — निर्वाचन आयोगले बाजुरा र स्याङ्जा-२ मा मतगणना सुरु गर्न निर्देशन दिएको छ । आयोगको बुधबार बसेको बैठकले स्याङ्जा-२ र बाजुरामा मतगणना सुरु गर्न सम्बन्धित निर्वाचन आधिकृतको कार्यालयहरुलाई निर्देशन दिएको हो । आयोगले मंसिर ४ गते भएको निर्वाचनलाई नै सदर गर्दै मतगणना सुरु गर्न भनेको हो ।

स्याङजा २ चापाकोट नगरपालिकाका ४ वटा मतदान केन्द्रमा नेपाली कांग्रेसले बुथ कब्जा गरेको भन्दै नेकपा एमालेसहित अन्य राजनीतिक दलहरुले पुन: मतदानको माग गरेका थिए । त्यसैगरी बाजुराको विभिन्न मतदान केन्द्रमा समेत बुथ कब्जा भएको भन्दै एमालेले पुन मतदान गर्नुपर्ने निवेदन दिएको थियो ।

बुथ कब्जा गरेर मृत्यु भएका र विदेशमा रहेका मतदाताको नाममा पनि मत खसालेको भन्दै सुरु भएको स्याङ्जा–२ को विवाद जिल्लास्तरबाट सुल्झन नसकेर आयोगमा आइपुगेको हो । स्याङ्जाको चापाकोट नगरपालिका–३ को दिसिङकोट आधारभूत विद्यालय, वडा ४ को राम मन्दिर मावि, वडा ५ का जनसक्रिय आधारभूत विद्यालय र दिनदलायु आधारभूत विद्यालयका सबै मतदात केन्द्रमा कांग्रेसका कार्यकर्ताले बुथ कब्जा गरेर फर्जी मत खसालेको एमालेको दाबी छ।

चापाकोट नगरपालिका–१ को भानु मावि आँधीचौघेरा, गल्याङ नगरपालिका–७ मनहरिखर्कको मतदान केन्द्र, कालीगण्डकी गाउँपालिकाको अमरदीप मावि र कोटाकोट आधारभूत विद्यालय केन्द्रमा एमालेले बुथ कब्जा गरेको कांग्रेसको आरोप छ।

बाजुरामा एमालेले ८ र कांग्रेसले १६ ठाउँमा बुथ कब्जा गरेको एकअर्काको आरोप छ । बाजुराकै बुढीनन्दा–५ मा स्थगित मतदान भने भइसकेको छ । बाजुराको त्रिवेणी–७ को मतदानस्थलमा विवाद हुँदा प्रहरीको गोली लागेर सञ्जीव अयडीको मृत्यु भएको थियो । कांग्रेस समर्थित समूहको कुटपिटबाट अनेरास्ववियुका केन्द्रीय सदस्य चेतन अयडीको ज्यान गएको थियो ।

यसअघि आयोगले विवादितमध्ये दोलखामा मात्रै पुनः मतदानको निर्णय गरेको थियो

प्रकाशित : मंसिर १४, २०७९ १४:२५
पूरा पढ्नुहोस्
प्रतिक्रिया
पठाउनुहोस्
×