दिल्लीमा एकसाता लकडाउन- विश्व - कान्तिपुर समाचार
कान्तिपुर वेबसाईट
AdvertisementAdvertisement

दिल्लीमा एकसाता लकडाउन

कान्तिपुर संवाददाता

नयाँदिल्ली — कोरोना संक्रमण फैलने क्रम तीव्र बनेपछि भारतको राजधानी दिल्लीमा एक साताका लागि लकडाउन गरिएको छ । राति १० बजेदेखि सुरु हुने लकडाउन आगामी सोमबार बिहान ५ बजे सम्मका लागि हुनेछ ।

दिल्लीका मुख्यमन्त्री अरविन्द केजरीवाल, उपराज्यपाल अनिल बैजल र उच्च अधिकारीहरुबीच सोमबार बिहान भएको छलफलपछि लकडाउनको निर्णय गरिएको भारतीय सञ्चारमाध्यमहरुले जनाएका थिए ।

विगत केही दिनयता भारतका दिल्लीलगायत प्रमुख राज्यहरुमा कोरोना संक्रमण तीव्र रुपमा फैलिएको छ । आइतबार दिल्लीमा २५ हजार ४ सय ६२ नयाँ संक्रमित थपिएका छन् । जुन कोरोना महामारी सुरु भएयताकै सबैभन्दा बढी हो । दिल्लीमा स्वास्थ्य परीक्षण गरिएकाहरु प्रत्येक तीन जनामध्ये एकमा संक्रमण देखिएको भारतीय सञ्चारमाध्यमहरुले उल्लेख गरेका छन् । दिल्ली सरकारले संक्रमण रोक्न भन्दै शनिबार र आइतबार पनि कर्फ्यु लागू गरेको थियो । त्यसैगरी दिल्लीमा गत ६ अप्रिलदेखि आगामी ३० अप्रिलसम्मका लागि घोषणा गरिएको रात्रिकालीन कर्फ्यु कायमै छ ।

भारतमा कोरोना संक्रमणले प्रत्येक दिन नयाँ रेकर्ड बनाइरहेको छ । आइतबार मात्र २ लाख ७३ हजारमा संक्रमण पुष्टि भएको थियो । त्यसैगरी १ हजार ६१९ जनाको मृत्यु भएको छ । जुन अहिलेसम्मकै बढी हो । संक्रमणले भयावह रुप लिएसँगै भारतको स्वास्थ्य क्षेत्र अस्तव्यस्त बनेको छ । प्रमुख सहरहरुमा अक्सिजन र बेडको चरम अभाव देखिएको छ । विशेषगरी राजधानी दिल्ली, मुम्बई, लखनऊ, अहमदाबाद, पुनेलगायत सहरमा अक्सिजन नपाएर कैयौं संक्रमितले ज्यान गुमाउनु परेको छ ।

दिल्लीका मुख्यमन्त्री केजरीवालले नै आइतबार साँझ ट्विट गर्दै अक्सिजनको चरम अभावको बताएका थिए । त्यस्तै अस्पतालमा बेड नहुँदा बिरामीहरुको भुईं र खुला आकाशमुनि नै उपचार भइरहेको भारतीय सञ्चारमाध्यमहरुले जनाएका छन् ।

प्रकाशित : वैशाख ६, २०७८ १२:३२
प्रतिक्रिया
पठाउनुहोस्

बाँकेमा होम आइसोलेसनमा बसेका एक जनाको मृत्यु 

रुपा गहतराज

नेपालगन्ज — बाँकेमा होम आइसोलेसनमा बसेका पुरुषको कोरोना संक्रमणबाट मृत्यु भएको छ । कोरोना संक्रमण भएपछि आफ्नै निवासमा बसेका एक पुरुषको आइतबार राति मृत्यु भएको हो ।

बाँकेको कोहलपुर नगरपालिका वडा नम्बर १४ का ७५ वर्षीय कोरोना संक्रमित पुरुषको आफ्नै निवासमा आइतबार राति १२ बजेतिर मृत्यु भएको जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीले बताए ।

मृतक व्यक्ति दीर्घरोगी (पक्षपात) को रोगी भएको, उपचारका लागि भारत गई वैशाख ४ गते नेपाल फर्केका थिए । वैशाख ५ गते नेपालगन्ज मेडिकल कलेज शिक्षण अस्पताल नेपालगन्जमा भर्ना भई कोरोना परीक्षण गर्दा पोजिटिभ देखिएको थियो ।

स्वास्थ्यमा सुधार नहुने संकेत देखिएपछि अस्पतालकै सिफारिसमा परिवारको सल्लाहमा परिवारका सदस्यले घरमै लगेर राखेको अस्पतालले जनाएको छ ।

प्रकाशित : वैशाख ६, २०७८ १२:०५
पूरा पढ्नुहोस्
प्रतिक्रिया
पठाउनुहोस्
×