मैले क्यान्सरलाई जितें : संजय दत्त- विश्व - कान्तिपुर समाचार
कान्तिपुर वेबसाईट
AdvertisementAdvertisement

मैले क्यान्सरलाई जितें : संजय दत्त

एजेन्सी

बलिउड अभिनेता संजय दत्तले आफूले क्यान्सरलाई जितेको बताएका छन् । बुधबार ट्विटरमार्फत् उनले क्यान्सरसँगको लडाईंमा आफू वियजी भएको घोषणा गरेका हुन् । पछिल्लो समय परिवारका लागि कठिन भए पनि आफूले रोगलाई हराएपछि सबै कुरा ठीक हुँदै आएकोसमेत उनले उल्लेख गरेका छन् । 

'पछिल्लो केही हप्ता मेरो परिवार र मेरो लागि निकै कठिन समय थियो । तर, भनिन्छ नि भगवानले आफ्नो बलियो योद्धालाई निकै गाह्रो लडाईं दिन्छ । आज म मेरा छोराछोरीको जन्मदिनको अवसरमा यो लडाईंबाट विजयी भएको छु । र, उनीहरुलाई उपहार दिन सफल भएको छु,' ६१ वर्षिय अभिनेताले जारी गरेको स्टेटमेन्टमा लेखिएको छ ।

उनले यो लडाँईमा साथ दिने परिवार, साथीहरु र सबै फ्यानहरुप्रति आभार प्रकट गरेका छन् । केही समयअघि मात्रै संजयलाई चौथो स्टेजको क्यान्सर भएको समाचार बाहिरिएको थियो ।

प्रकाशित : कार्तिक ५, २०७७ १८:३०
प्रतिक्रिया
पठाउनुहोस्

कारबाहीका लागि सिफारिस गरेका व्यक्तिहरुलाई सरकारले तत्काल मुद्दा चलाउनुपर्छ : शर्मा

कान्तिपुर संवाददाता

काठमाडौँ — राष्ट्रिय मानवअधिकार आयोगका निवर्तमान अध्यक्ष अनुपराज शर्माले आयोगले कारबाहीका लागि सिफारिस गरेका व्यक्तिहरुलाई सरकारले तत्काल मुद्दा चलाउनुपर्ने बताएका छन् ।

विभिन्न समयमा अनियमितता गरेको, पदको दुरुपयोग गरेको तर कारबाहीका लागि सिफारिस हुँदासमेत पदको लाभ लिइरहेका व्यक्तिहरुलाई महान्यायाधिवक्ताको कार्यालयमार्फत तत्काल मुद्दा चलाउनुपर्ने शर्माको भनाइ छ ।

मानवअधिकार आयोगले २०५७ जेठदेखि ०७७ असारसम्म विभिन्न समयमा भएका घटनाका २ सय ८८ जना दोषीको नाम नै किटान गरी कारबाहीका लागि सिफरिस गरेको छ । बुधबार न्यूज एजेन्सी नेपालसँग कुराकानी गर्दै निवर्तमान अध्यक्ष शर्माले आयोगले सिफारिस गरेका व्यक्तिहरुमाथि अनुसन्धान गर्नका लागि भए पनि मुद्दा चलाउनैपर्ने बताए । मुद्दा दायर गर्दा दण्डहिनता घट्ने भएकाले पनि आयोगले सिफारिस गरेका व्यक्तिहरुमाथि मुद्दा चलाउनुपर्ने उनको भनाइ छ ।

पछिल्ला केही समय यता जिल्ला अदालतबाट छिनिएका जघन्य अपराधका सरकारवादी मुद्दाहरु माथिल्लो तहमा अपिल नहुने गरी फैसला गर्ने र मिलापत्र गराउने गरेको पाइएको शर्माले बताए ।

प्रकाशित : कार्तिक ५, २०७७ १८:२२
पूरा पढ्नुहोस्
प्रतिक्रिया
पठाउनुहोस्
×