भेनेजुएलामा राष्ट्रपति निकोलास मादुरो र विपक्षी नेता ह्वा गुआइदोबीचको राजनीतिक संघर्षका कारण लाखौं मानिस आन्तरिक रूपमा समेत विस्थापित भएका छन् । लिमा समुदायले विपक्षी नेता गुआइदोलाई समर्थन गर्दै आइरहेको छ । गुआइदोले गत वर्ष आफूले आफैंलाई देशको अन्तरिम राष्ट्रपति घोषणा गरेका थिए । अवैधानिक निर्वाचनमार्फत मादुरो राष्ट्रपति निर्वाचित भएकाले राष्ट्रिय सभाको अध्यक्षका हैसियतमा आफू देशको संविधानअुनसार राष्ट्रपति भएको उनको दाबी रहँदै आएको छ । मादुरोले वैधानिक निर्वाचनमार्फत आफू देशको राष्ट्रपति भएको भन्दै विदेशी शक्तिको आडमा विपक्षीले राष्ट्रघाती काम गरिरहेको आरोप लगाउँदै आएका छन् । 

स्वघोषित राष्ट्रपति गुआइदोलाई ५० भन्दाबढीले मान्यता दिएका छन् भने मादुरोको पक्षमा चीन, रुस र टर्कीजस्ता राष्ट्र देखिएका छन् । लिमा समूहले पनि मादुरोलाई राजीनामा दिएर देशको राजनीतिक निकास खोज्न आग्रह गर्दै आएको छ । समूहमा ब्राजिल, चिली, कोलम्बिया, कोस्टारिका, ग्वाटेमाला, होन्डुरस, पानामा, पाराग्वे, बोलिभिया, मेक्सिको, हाइटी, अर्जेन्टिना र सेन्ट लुसिया आबद्ध छन् ।