‘खसोग्गी हत्या पूर्वनियोजित’- विश्व - कान्तिपुर समाचार
कान्तिपुर वेबसाईट
AdvertisementAdvertisement

‘खसोग्गी हत्या पूर्वनियोजित’

सामाजिक सञ्जालमा साउदी राजकुमार सलमानको आलोचना
रोयटर्स

अंकारा/वासिङ्टन — साउदी अरबका महान्यायाधिवक्ताले पत्रकार जमाल खसोग्गीको हत्या पूर्वनियोजित भएको बताएको साउदी सञ्चारमाध्यमले जनाएको छ ।

पत्रकार जमाल खसोग्गीको न्यायका लागि श्रीलंकाको राजधानी कोलम्बोमा अनलाइन पत्रकार संघले बिहीबार गरेको प्रदर्शन ।तस्बिर : रोयटर्स

साउदी प्रसारण संस्था अल–एखबरियाले बिहीबार साउदी अरब र टर्कीका अधिकारीको संयुक्त कार्यदलको प्रयासमा उक्त प्रमाण भेटिएको जनाएको हो । संस्थाले खसोग्गीको हत्याबारे छानबिन तथा शंकास्पद व्यक्तिहरूसँग सोधपुछ भइरहेको जनाएको छ ।

खसोग्गी गत अक्टोबर २ देखि टर्कीस्थित साउदी कन्सुलेट कार्यालयबाट बेपत्ता भएका हुन् । उनको हत्या साउदी अरबले गरेको टर्कीको दाबी छ । तर साउदीले भने उक्त आरोप अस्वीकार गर्दै आएको छ । खसोग्गी साउदी राजकुमार सलमानका नीतिका कडा आलोचक थिए ।

साउदी प्रेस संस्थाले बिहीबार राजकुमार मोहम्मद बिन सलमानले खसोग्गीको हत्यापछि पहिलोपटक गुप्तचर संस्थाको सुधार गर्न गठिन समितिको बैठकको अध्यक्षता गरेको जनाएको छ ।

साउदीले हालसम्म राजकुमारका दुई प्रमुख सल्लाहकारलाई बर्खास्त गरिसकेको छ भने १८ जना पक्राउ परेका छन् । सलमानले हत्यामा आफ्नो संलग्नता पटकपटक अस्वीकार गरेका छन् । साउदी अरबले अमेरिकी संघीय जाँच ब्युरो (एफबीआई) ले खसोग्गी हत्याबारेको रेकर्डिङ सुनेको जनाएको छ । गिना हास्पेलले यसै साता टर्की भ्रमणका क्रममा उक्त श्रव्य सामग्री सुनेकी जनाइएको छ ।

यसअघि बुधबार राजकुमार सलमानले खसोग्गी हत्यामा जिम्मेवार जोसुकैलाई कारबाही गर्ने बताएका थिए । तर टर्कीका सञ्चारमाध्यमले खसोग्गी हत्यामा सलमानका मुख्य सहयोगीको हात रहेको बताउँदै आएका छन् ।

राजकुमारले खसोग्गीका छोरा सलाहलाई बुधबार भेट गर्दै उनको परिवारमाथि परेको शोकको लागि संवेदना व्यक्त गरेको जनाइएको थियो । भेटेका छन् । रियादस्थित यमामाह शाही दरबारमा भएको भेटमा जमालका भाइ सहेल पनि सहभागी थिए ।

तर साउदी साउदी राजकुमार र सलाहबीच हात मिलाएको तस्बिर प्रायोजित भएको भन्दै आलोचना भएको छ । खसोग्गी परिवारसँग निकट स्रोतले सलाहलाई केही दिनदेखि देशबाहिर जान प्रतिबन्ध लगाइएको बताएको समाचार संस्था एपीले जनाएको छ ।

मध्यपूर्वमा मानवअधिकार क्षेत्रमा क्रियाशील फादी अल–कदीले टीटरमा ‘जमाल खसोग्गीको छोरा सलाहलाई आफ्नो पितालाई मारेको शंकास्पद व्यक्तिसँग हात मिलाउन बाध्य पारिएको’ जनाएका छन् । साउदी ऊर्जामन्त्री खालिद अल–फलिहले मंगलबार खसोग्गीको हत्या ‘घृणित’ कार्य भएको बताउँदै ‘केही दिनयता साउदी अधिराज्य अफ्टेरोमा परेको’ दाबी गरे ।

प्रकाशित : कार्तिक ९, २०७५ ०८:३०
प्रतिक्रिया
पठाउनुहोस्

सिक्किमे महोत्सवमा नेपथ्य

कान्तिपुर संवाददाता

काठमाडौँ — केही दिनअघि स्वयम्भूमा गुन्जेको लोकरक ब्यान्ड नेपथ्य अब भारतको सिक्किममा सुनिने भएको छ । आफ्ना पुराना प्रशंसकहरूको क्षेत्र सिक्किमको राबाङमा ब्यान्डले मंगलबार नेपाली लोकरक घन्काउँदै छ  ।

राबाङ टुरिज्म फेस्टिभलका अवसरमा नेपथ्यले प्रस्तुति दिन लागेको हो ।

केही साताअघि मात्रै पहिलो विमानस्थल सञ्चालनमा आएपछि सिक्किम यति बेला भारत र छेउछाउका गन्तव्य पर्यटकहरूको केन्द्र बन्दै गएको छ । संयोगले उक्त विमानस्थल बनाउने चरणमै पाक्योङले केही वर्षअघि नेपथ्यलाई निम्त्याएको थियो ।

सिक्किमको पाक्योङस्थित सेन्ट जेभियर्स स्कुलको विशाल मैदानमा त्यति बेला प्रस्तुत हुँदै गर्दा नेपथ्यका अगुवा अमृत गुरुङले त्यस राज्यको थप समृद्धि र विकास अब निकै नजिक आइपुगेको भन्दै सयौं दर्शकश्रोतालाई बधाई तथा शुभकामना दिएका थिए ।

‘सिक्किमका डाँडाकाँडामा नेपथ्यको संगीत गुन्जँदै आएको छ । नेपथ्यको संगीत यहाँका युवा र प्रौढ सबै पिँढीमाझ लोकप्रिय छ,’ राबाङ पर्यटन महोत्सवका अध्यक्ष जिग्मे वाङचुक भुटियाले विज्ञप्तिमा भनेका छन्, ‘रेडियो र टीभीमा सुन्दै हेर्दै आएको लोकप्रिय ब्यान्डलाई राबाङमा प्रत्यक्ष हेर्न सुन्न हामी आतुर छौँ ।’

सिक्किम कन्सर्टमा अमृतलाई ड्रममा ध्रुव लामा, किबोर्डमा सुरज थापा, बेस गितारमा सुविन शाक्य, गितारमा नीरज गुरुङ र मादलमा शान्ति रायमाझीले सघाउनेछन् ।

प्रकाशित : कार्तिक ९, २०७५ ०८:३०
पूरा पढ्नुहोस्
प्रतिक्रिया
पठाउनुहोस्
×