जिब्ली स्टाइल फोटो धेरैलाई रमाइलो लागेको छ, तर यसलाई लिएर सबैजना खुशी छैनन् । आर्टिस्टहरुले यसलाई क्रियटिभ प्रोसेस अर्थात सिर्जनात्मक प्रक्रियामाथि आक्रमणको रूपमा हेरेका छन्, विशेष गरी मियाजाकी स्वयंले एआईले बनाएको कलाबारे नकारात्मक धारणा राखेपछि यसबारे सबैको ध्यान खिचिएको हो ।

जापानी एनिमेसनका एक प्रसिद्ध निर्देशक, एनिमेटर, र स्टुडियो जिब्लीका सह–संस्थापक हायाओ मियाजाकी आफ्नै हातले बनाइएका आइकोनिक एनिमेसन, डिप स्टोरी टेलिङ र इभारोमेन्ट, फेमिनिजम, पेसिफिजम समेट्ने फिल्महरूका लागि परिचित छन् ।उनले निर्देशन गरेका प्रसिद्ध फिल्महरू मध्ये ‘स्पिरिटेड अवे’ ले ओस्कार अवार्ड जितेको थियो । त्यस्तै माइ नेबर टोटोरोले टोटोरो नामक लोकप्रिय पात्रलाई विश्वभर परिचित बनायो । उनको हालैको फिल्म द ब्वाइ एन्ड द हेरोनले सन् २०२३ मा बेस्ट एनिमेटेड फिचरमा ओस्कार पनि जितेको थियो ।

एआइ प्रयोग आर्ट बनाउने बिषयमा संसारभर मत बिभाजित छ । कसैले यसलाइ आविष्कार मानेका छन भने कसैले यसले सिर्जनात्मक क्षमताको अपमान गरेको भन्दै विरोधमा उत्रिएका छन् ।