छोइला बनाउने तरिका- भिडियो - कान्तिपुर समाचार
कान्तिपुर वेबसाईट
AdvertisementAdvertisement

छोइला बनाउने तरिका

दिपेन्द्र रोक्का

काठमाडौँ — नेवाः समुदायमा एउटा प्रचलित परिकार हो छोइला । समयबजीमा अनिवार्य रहने यो परिकार सगुनदेखि अरु शुभ कार्यहरुमा समेत त्यसको प्रयोग परापूर्वकालदेखि नै हुँदै आएको हो । यसबाहेक भोज र खाजा खाजाको रुपमा यसको प्रयोग हुने गरेको छ। विशेषगरी बफको बन्ने छोइला समयसंगै अरु मासुहरुको पनि बन्दै आएको छ । मासुलाई पोलेर मरमसला हाली मोल्ने यो परिकार अलिकति पीरो र मसालेदार स्वाद पाउन सकिन्छ ।

छोइला बनाउन मासुलाई बोसो र नसा हटाएर लाम्चो आकारमा काट्नु पर्दछ । काटिसकेको मासुलाई ढुसुमा राखेर परालको आगोमा १० मिनेट पोलिन्छ । अब पोलेको मासुलाई पानीमा पखालिन्छ र सानो -सानो टुक्रामा काटिन्छ । काटेको मासुलाई अब अदुवा, लसुन, खुर्सानी, जिरा आदि पिसेर मोली त्यसमा भुटेको तेल हालेर मोलिन्छ । थप जान्नका लागिमाथि दिएको भिडियोमा बताइएको छ ।


प्रकाशित : माघ २३, २०७७ १६:३९
प्रतिक्रिया
पठाउनुहोस्

२४ घण्टामा २७९९ परीक्षणमा १०५ जनामा कोरोना पुष्टि

कान्तिपुर संवाददाता

काठमाडौँ — पछिल्लो २४ घण्टामा देशभर १०५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । २४ घण्टामा २ हजार ७९९ पीसीआर परीक्षण भएको छ भने हालसम्म २० लाख ८८ हजार ३७२ पीसीआर परीक्षण भएका छन् ।

यो सँगै देशभर संक्रमितको कुल संख्या २ लाख ७१ हजार ७०७ पुगेको छ । सक्रिय संक्रमितको संख्या २ हजार १०८ छ भने क्वारेन्टाइनमा ९२ जना रहेका छन् ।

त्यसैगरी २४ घण्टामा २७२ जना निको भइ डिस्चार्ज भएका छन् । यो सँगै कोरोनाबाट निको हुनेको संख्या २ लाख ६७ हजार ५६४ पुगेको छ । २४ घण्टामा कोरोनाबाट २ जनाको मृत्यु भएको छ ।

साथै काठमाडौं उपत्यकामा ५८ जना कोरोना संक्रमित थपिएका छन् । २४ घण्टामा संक्रमित हुनेमा ३३ महिला र २५ जना पुरुष रहेका छन् । काठमाडौंमा ४३, ललितपुरमा १२ र भक्तपुरमा ३ जना कोरोना संक्रमित देखिएका मन्त्रालयले जनाएको छ ।

प्रकाशित : माघ २३, २०७७ १६:३३
पूरा पढ्नुहोस्
प्रतिक्रिया
पठाउनुहोस्
×