‘दुःखको भूगोल’ भनेर चिनाइँदै आएको कर्णाली र सुदूरपश्चिमका धेरै मुद्दा अझै ओझेलमै छन् । तर अभाव र विकटताबीच पनि यहाँको कला, संस्कृति र संगीतले सिंगो नेपाली समाजलाई जोड्दै आएको छ । विशेषगरी नयाँ पुस्ताले देउडा, ठाडी भाका र लोकगीतमार्फत आफ्नो पहिचान बुलन्द गरिरहेका छन् । पुरुषप्रधान सोच र संघर्षका बीच अघि बढेका कर्णाली–सुदूरका जेन–जी कलाकारको यात्रा, चुनौती र सफलतालाई यस अंकमा समेट्ने प्रयास गरिएको छ ।
माला, बाला, धोती, चोलो लगाएर देउडा गाउने यशोदाले एक हजारभन्दा बढी लाइभ देउडा गाइसकेकी छिन् ।
विपना देउडा र देहोरी दुवै गाउन निकै सिपालु छिन् । त्यसैले दर्शकहरूको साथ पाउँदै आएकी छिन् ।
उनले करिब ७ वर्षदेखि निरन्तर रूपमा प्रत्यक्ष देउडा प्रस्तुत गर्दै आएकी छिन् । मेला–महोत्सव, सांस्कृतिक कार्यक्रम तथा विभिन्न सार्वजनिक समारोहमा उनी देशका विभिन्न ठाउँमा पुगेर प्रस्तुति दिँदै आइरहेकी छिन् ।
उनका झुपडी, मुटुको टुक्रा, झुम्के बुलाकी, मालु पात, ऐंसेलु आदि गीतहरू दर्शकले निकै रुचाएका छन् ।
