कञ्चनपुर — कञ्चनपुरको दोधारा चाँदनी नगरपालिका–१० मा श्रीमान्‌को कुटाइबाट एक महिलाको मृत्यु भएको छ । ४५ वर्षीया पारु सुनारको बिहीबार बिहान मृत्यु भएको प्रहरीले जनाएको छ । 

जिल्ला प्रहरी कार्यालय कञ्चनपुरका डिएसपी टेकबहादुर रावतका अनुसार बुधबार दिउँसो सामान्य वाद विवादमा रन बहादुरले श्रीमती पारुमाथि कुटपिट गरेका थिए । कुटपिटबाट घाइते भएकी उनको दोधारास्थित प्राथमिक स्वास्थ्य केन्द्रमा उपचार गरिएको थियो । 

‘वाद विवादमा कुटपिट भएको भन्ने खबर आएको छ, त्यसपछि अस्पताल पनि लगिएको छ,’ डिएसपी रावतले भने, ‘आज बिहान मृत्यु भयो भन्ने खबर आयो ।’ उनले कुटपिट गर्ने रन बहादुरलाई नियन्त्रणमा लिइएको बताए ।