पहिलोपटक हेलिकोप्टर स्थान पत्ता लगाउन नसकेर फर्किएको थियो भने दोस्रोपटक जाँदा खराब मौसमका कारण अवतरण हुन सकेन ।अहिले घटनास्थलमा एम्बुलेन्स पुगेको छ भने चिकित्सकको टिम पुग्दैछ ।
बझाङ — बझाङ जिप दुर्घटनाका घाइते उद्धार गर्नका लागि गएको हेलिकोप्टर खराब मौसमका कारण अवतरणमा समस्या भएको छ । पहिलोपटक हेलिकोप्टर स्थान पत्ता लगाउन नसकेर फर्किएको थियो भने दोस्रोपटक जाँदा खराब मौसमका कारण अवतरण हुन सकेन ।अहिले घटनास्थलमा एम्बुलेन्स पुगेको छ भने चिकित्सकको टिम पुग्दैछ ।
हेलिकोप्टर अवतरण हुन नसकेपछि घाइतेहरुलाई एम्बुलेन्समार्फत जिल्ला अस्पताल ल्याइँदैछ । भाेलि माैसम सफा भएपछि हेलिकोप्टरबाट सुविधायुक्त अस्पताल पठाउने तयारी रहेको सीडीओ मुकेशकुमार केसरीले बताए ।
जिल्ला प्रहरी कार्यालय बझाङका अनुसार, दुर्घटनामा परेर तीन जनाले ज्यान गुमाएका छन् भने ७ जना गम्भीर घाइते छन् । ज्यान गुमाउनेहरूमा केदारस्यूँ– ७ की बिमला धामी, दुर्गाथली– ६ की ६० वर्षीया केलादेवी महत र ६० वर्षीय चक्र महत रहेका छन् ।
प्रहरीका अनुसार, दुर्घटनामा परेर घाइते हुनेको संख्या १३ पुगेको छ । अनय ६ जनाको अवस्था मध्यम रहेको छ ।
