बैतडी — बैतडीका १२९ मतदानस्थल मध्ये ३३ वटा अति संवेदनशीलको सूचीमा राखिएका छन् ।

जिल्ला सुरक्षा समितिले सुरक्षाको दृष्टिकोणले मतदानस्थललाई अति संवेदनशील, संवेदनशील र समान्य गरी तीन भागमा वर्गीकरण गरेर केन्द्रमा सिफरिस गरेको थियो । 

सुरक्षा समितिको सिफारिस अनुसार नै केन्द्रले ३३ अति संवेदनशील, २८ संवेदनशील र ६८ मतदानस्थल समान्यको सूचीमा राखेको जिल्ला प्रहरी प्रवक्ता प्रहरी निरीक्षक सुरज सिंहले जानकारी दिए । मतदानस्थलको वर्गीकरण अनुसार सुरक्षाको व्यवस्थापन गरिने उनले बताए । 

विगतका निर्वाचनको समीक्षा, सञ्चार, यातायातको पहुँच र सुरक्षाको अवस्थालाई आधार मानेर मतदानस्थलको संवेदनशीलता तय गरिएको हो । 

आसन्न निर्वाचनलाई मध्यनजर गरेर स्थानीय प्रशासनले, मतदानस्थलको अवस्था हेरेर सुरक्षा योजना बनाएर काम गरिरहेको प्रमुख जिल्ला अधिकारी पुण्यविक्रम पौडेलले बताए ।