शुक्लाफाँटा राष्ट्रिय निकुञ्जबाट आएको हात्तीले विष्टमाथि आक्रमण गरेको थियो ।
कञ्चनपुर — कञ्चनपुरको भीमदत्त नगरपालिका-१४ वनकट्टीमा हात्तीको आक्रमणबाट एक महिलाको मृत्यु भएको छ ।
आक्रमणबाट ४५ वर्षीया धना विष्टको मृत्यु भएको प्रहरीले जनाएको छ । सोमबार राति शुक्लाफाँटा राष्ट्रिय निकुञ्जबाट आएको हात्तीले घरको भित्ता फोड्दा भाग्ने क्रममा विष्टमाथि आक्रमण गरेको थियो । अन्यले भने भागेर ज्यान जोगाएको जिल्ला प्रहरी कार्यालय कञ्चनपुरका डीएसपी सागर बोहराले बताए ।
