काठमाडौँ — बडिमालिका भीरबाट खसेर एक जना तीर्थयात्रीको मृत्यु भएको छ । हाल गोकर्णेश्वर–५, काठमाडौं बस्ने ५२ वर्षीय विप्लव ओझा बिहीबार राति बडिमालिका मन्दिर छेउको भीरबाट करिब सात सय मिटर तल खोचमा खसेका थिए । उनको मृत्यु भएको र शव निकाल्ने प्रयास भइरहेको बाजुराका प्रमुख जिल्ला अधिकारी मेघनाथ पाध्याले जानकारी दिए ।

ओझा बिहीबार राति नै बडिमालिकाबाट फर्किने क्रममा भीरबाट लडेका हुन् । बडिमालिकामा कठिन भू–बनोट, चिप्लो र भिरालो बाटो छ । ‘दिउँसै हिँड्न त निकै कठिन हुन्छ, अँध्यारोमा हिँड्न सक्ने अवस्था नै हुँदैन,’ प्रजिअ पाध्याले भने, ‘मन्दिरमा पूजा गरेर राति नै तल त्रिवेणी फर्किँदै गर्दा भीरबाट खस्नु भएको भन्ने जानकारी छ ।’