महाकाली नदीमा सोमबार साँझ पानीको बहाव घटेपछि चारपांग्रे सवारी चलाउन पुनः अनुमति दिइएको थियो ।
कञ्चनपुर — महाकाली नदीमा पानीको बहाव बढेपछि शारदा ब्यारेजको पुलमा चारपांग्रे सवारीसाधन आवागमनमा रोक लगाइएको छ । मंगलबार बिहानैदेखि सवारी आवागमनमा रोक लगाइएको हो ।
प्रहरीका अनुसार ७ बजेको मापनअनुसार महाकालीमा पानीको बहाव १ लाख २ हजार ७४२ क्युसेक पुगेको छ । सोमबार पनि चारपांग्रे सवारी दिनभरि बन्द गरिएको थियो । साँझ बहाव घटेपछि खुला भएको हो ।
पुरानो पुल भएका कारण नदीमा पानीको बहाव १ लाख क्युसेक पुग्नेबितिक्कै चारपांग्रे सवारी आवागमनमा राके लगाइने गरिन्छ ।
