धनगढी — सुदूरपश्चिममा तराईका जिल्ला कैलाली र कञ्चनपुरका राना थारू समुदायमा बुधबारदेखि होरी पर्वको रौनक सुरु भएको छ । राना थारू समुदायमा यतिबेला जिन्दा होरीमा चलिरहेको छ ।
जिन्दा होरीमा उनीहरूले रातिको समय ढोल तालमा सामूहिक रूपमा होरी नाच नाचेर रमाउने चलन रहेको छ । यस समुदायले एक महिना आठ दिनसम्म होली पर्व मनाउने गर्दछन् ।
माघ पूर्णिमादेखि फागुन पूर्णिमासम्म जिन्दा होरी खेलेर रमाउने चलन रहेको राना थारू समुदायका बासिन्दा बताउँछन् ।
होरी पर्वको होलिका दहन नगरुन्जेलसम्म राना थारू समुदायका बूढापाका, युवकयुवती मिलेर राति जिन्दा होरी नाच नाच्ने र रमाउने चलन रहेको छ ।
