नयाँ दिल्ली जाने कुस्ती टिममा सुरेश चुनारा (७४ केजी), निखिल राज पटेल (८६ केजी), राज यादव (१२५ केजी), यादव किशोर राम (६५ केजी), सुशीला चन्द (६२ केजी) र शिवाङ्गी दुवे (७७ केजी) छन् ।
काठमाडौं — आगामी असोजमा हुने जापानको आइच/नागोया एसियाली खेलकुदको तयारीका लागि नेपाली राष्ट्रिय कुस्ती टोलीले भारतको नयाँ दिल्लीमा विशेष प्रशिक्षण गर्ने भएको छ । टोलीले नयाँ दिल्लीमा १७ जुलाईदेखि १५ सेप्टेम्बरसम्म प्रशिक्षण लिनेछ ।
नेपाली टोलीलाई नेपाल ओलम्पिक कमिटी (एनओसी) अध्यक्ष जीवनराम श्रेष्ठ र महासचिव राजीव श्रेष्ठले बिदाइ गरेका थिए ।
अध्यक्ष श्रेष्ठले एसियाडमा उल्लेखनीय प्रदर्शनका निम्ति प्रशिक्षण शिविर महत्वपूर्ण हुने भएकाले खेलाडी र प्रशिक्षकहरूलाई प्रशिक्षणमा केन्द्रीय हुन औंल्याए ।
नयाँ दिल्ली जाने कुस्ती टिममा सुरेश चुनारा (७४ केजी), निखिल राज पटेल (८६ केजी), राज यादव (१२५ केजी), यादव किशोर राम (६५ केजी), सुशीला चन्द (६२ केजी) र शिवाङ्गी दुवे (७७ केजी) छन् । टिमको प्रशिक्षकमा राजेन्द्र चन्द, व्यवस्थापकमा खगेन्द्रबहादुर बस्नेत र सहायक व्यवस्थापकमा मुम्ताज अली छन् ।
भारतमा रहँदा कुस्ती टोलीले उत्तर प्रदेशको नन्दनीनगरलगायतका एकेडेमीमा प्रशिक्षण गर्नेछ । एसियाली खेलकुद जापानको आइची–नागोयामा ३–१८ असोजसम्म हुनेछ । कुस्ती संघका अध्यक्ष प्रकाश कुसारीका अनुसार टोली भारतबाटै जापान जानेछ ।
