बस्टन — विश्वकप फुटबलको शुक्रबार राति १२:४५ को खेलमा फ्रान्स र नर्वे प्रतिस्पर्धा गर्ने भएको छ । धेरैले यसलाई वर्तमान विश्व फुटबलका दुई युवा स्ट्राइकर किलियन एम्बाप्पे र इर्लिङ हालान्डबीचको प्रतिस्पर्धाको रुपमा पनि हेरेका छन् ।

फ्रान्स र नर्वे पहिलो दुई खेल जितेर यसअघि नै नकआउट चरणमा प्रवेश गरिसकेका छन् । त्यसैले यो खेल जित्ने टोली समूह ‘आई’ को विजेता बन्ने छ । यसै समूहको अर्को खेलमा सेनेगल र इराक प्रतिस्पर्धा गर्दै छन् । दुवैले पहिलो दुई खेल हारिसकेका छन् र अर्को चरणमा पुग्ने आशालाई जीवितै राख्न ठूलो विजय हात पार्नु पर्नेछ । 

तर बोस्टनमा हुने खेलमा धेरैको ध्यान भने २७ वर्षे एम्बाप्पे र हालान्डमा छ । अर्जेन्टिनाका लियोनेल मेसीले प्रतियोगितामा सर्वाधिक चार गोल गरेका छन् । उनलाई पछ्याउने क्रममा ब्राजिलका भिनिसियस जुनियरसहित एम्बाप्पे र २५ वर्षे हालान्डले ४–४ गोल गरेका छन् ।