काठमाडौँ — जुन २१ अर्थात् असार ७ लाई अन्तराष्ट्रिय ओलम्पिक दिवस तथा विश्व स्केट दिवसका साथ मनाइएको छ । नेपाल स्केटिङ खेलका लागि नेपाल स्केटिङ तथा स्केट बोर्डिङ एसोसिएसनको आयोजनामा खेलाडीहरु तथा अफिसियलहरुले नेपाली संस्कृति झल्कने राष्ट्रिय पोशाक लगाई स्केट बोर्डिङमा दौडिएर मनाएका हुन् । 

धुम्बाराही चोकबाट सूरु भएको र्याली महाराजगंज चोकमा पुगि विसर्जन भएको थियो । र्यालीको उद्घाटन नेपाल ओलम्पिक कमिटीका उपाध्यक्ष अशोक रत्न बज्राचार्यले गरेका थिए । स्केट बोर्डका प्रमुख प्रशिक्षक दिलिप राज बराल एसोसियसनका उपाध्यक्ष जाग्रत पहाडी तथा महासचिव सत्य थापाले नेपालमा स्केट बोर्डको लोकप्रियता बढिरहेको चर्चा गरेका थिए । 

स्केटिङ खेलको लागि नेपालमा नेपाल स्केटिङ तथा स्केट बोर्डिङ एसोसिएसनले विभिन्न खेल तथा प्रशिक्षणहरु सञ्चालन गर्दै आएको छ ।