स्पेन विश्वकप फुटबल २०२६ मा विजय लयमा आएको छ । एटलान्टामा आइतबार भएको खेलमा स्पेनले साउदी अरेबियालाई ४–० ले पराजित गर्‍यो । स्पेनले यस विजयपछि समूह ‘एच’ मा ४ अंक बनाउँदै शीर्ष स्थानमा उक्लिएको छ ।

स्पेनले चौथो गोल गरेको छ, साउदी अरेबिाका ताम्बाकीले कुुकुरेलाको प्रहार जोगाउने प्रयास गर्दा आत्मघाती गोल गर्न पुगेका हुन् ।

स्पेनका फरवार्ड मिकेल ओयार्जबलका लागि केप भार्डेविरुद्धको खेल विश्व फुटबलले बिर्सने छैन । पहिलो ३० मिनेटको खेलमा उनले एकपटक पनि बल छुन पाएका थिएनन् । १९६६ यता अहिलेसम्म कुनै एक खेलाडीले आधा घन्टाको खेलसम्म बल नै नछोएको इतिहास नरहेको तथ्याङ्क राख्ने ओप्टाले जनाएको छ । ओयार्जबल उनै हुन्, जसले युरो २०२४ को फाइनलमा इंग्ल्यान्डविरुद्ध विजयी गोल गरेका थिए । आइतबार रातिको खेलमा ओयार्जबलले नै गरेको २ गोलमा स्पेन मध्यान्तरसम्म साउदी अरेबियाविरुद्ध ३–० ले अगाडि रहेको छ ।