नेदरल्यान्ड्सले ह्युस्टनमा स्विडेनविरुद्ध समूह ‘एफ’ को खेलमा मध्यान्तरसम्म २–० को अग्रता लिएको छ । नेदरल्यान्ड्सका लागि दुवै गोल ब्रायन ब्रोबीले गरेका हुन् ।

नेदरल्यान्ड्सले स्विडेनविरुद्ध दोस्रो गोल गरेको छ । ब्रायन ब्रोबीले नेदरल्यान्ड्सबाट दोस्रो गोल गरेका हुन् । उनले १७ औं मिनेटमा डच टोलीको अग्रतालाई दोब्बर बनाएका छन् ।

नेदरल्यान्ड्सले स्विडेनविरुद्ध पहिलो गोल गरेकाे छ । प्रतियोगितामा पहिलो पटक प्लेयिङ ११ बाट खेलिरहेका ब्रायन ब्रोबीले नेदरल्यान्ड्सलाई पाँचौं मिनेटमा अग्रता दिलाएका हुन् ।

विश्वकपमा निकै कठोर संघर्ष गरी छनोट भएको स्विडेनले नेदरल्यान्ड्सलाई पराजित गरेमा नकआउट चरणमा पुग्ने छ ।

पहिलो खेल खेलेको स्विडेनको टोलीमा कुनै खेलाडी परिवर्तन गरिएको छैन । दुई प्रमुख स्ट्राइकर एलेक्सान्दर इसाक र भिक्टोर गोयकुरेज खेलिरहेका छन् ।

नेदरल्यान्ड्सले जापानसँग खेलेको टोलीबाट एक खेलाडी परिवर्तन गर्दै क्रिसेन्सिओ समरभिलको स्थानमा ब्रायन ब्रोबीलाई खेलाएको छ ।