पहिलो हाफको ११ औं मिनेटमा अमेरिकाले पहिलो गोल गरेको छ । फोलारिन बालोगुनले ६ यार्डबाट गरेको क्रसमा अस्ट्रेलियाका रक्षक क्यामरुन बुर्गेसले आफ्नै पोस्टमा गोल गर्न पुगेका थिए ।

सियाटल रंगशालाको दर्शक क्षमता ६५ हजारको छ । यो सियाटल साउन्डर्स एफसी, रिइग्न एफसी र सिह्वक्सको गृह मैदान पनि हो । यस कृत्रिम मैदानमा १० दिनअघि मात्र विश्वकप फुटबललाई भनेर घाँस राखिएको थियो ।

पहिलो खेलमा टर्किएमाथि २–० को विजय हात पारेको खेलबाट अस्ट्रेलियाले पनि आश्चर्यजनक रूपमा २ खेलाडी परिवर्तन गरेको छ । दुवै गोल गर्ने २० वर्षे नेस्टोरी इरानकुन्डा र मिडफिल्डर कोनोर मेटकाल्फको स्थानमा म्याथ्यु लेकी र निशान भेलुपिल्लीलाई प्लेयिङ ११ मा समेटिएको छ ।