कोलम्बियाले सुरुदेखि नै बल आफ्नो नियन्त्रणमा राख्दै ६७ प्रतिशत पोजेसनका साथ खेलमाथि प्रभुत्व जमाएको छ। उज्वेकिस्तानले दोस्रो हाफमा काउन्टर अट्याकमार्फत केही सुधार गर्न खोजिरहँदा दोस्रो गोल खाएको हो । खेलको ७५ मिनेट सकिंदासम्म कोलम्बियाले ११ सट हानेको छ भने उज्वेकिस्तानको ३ सट मात्र छ । अहिलेसम्म दुवै टिमले एक–एक पहेंलो कार्ड खाएका छन्।

उज्वेकिस्तानले बराबरी गोल गरेको पाँच मिनेटमा नै कोलम्बियाले दोस्रो गोल गर्दै अग्रतालाई कायम राखेको छ । पहिलो गोलका लागि ड्यानियल मुनोजलाई असिस्ट गरेका लुईस डियाजले दोस्रो गोल भने गुस्ताभो सान्तान्देरको पासमा गरेका हुन् ।

कोलम्बियाविरुद्धको खेलमा उज्वेकिस्तानले गोल गर्दै १–१ को बराबरी गरेको छ । खेलको ६० औं मिनेटमा अब्बोस्बेक फेजुलाएभले हेडर गोल गरेका हुन् । यस गोलसँगै उज्वेकिस्तान खेलमा फर्किएको छ ।

उज्वेकिस्तानले विश्वकपका लागि छनोट गरिएका प्रशिक्षक तिमुर कापाद्जेलाई विश्वकपको ठीक अघि हटाएर पूर्व बालोन डी'ओर विजेता तथा विश्वविजेता इटालीका कप्तान फाबियो कानाभारोलाई नयाँ प्रशिक्षक नियुक्त गरेको हो।

१ गोलले पछि परिरहेको उज्वेकिस्तानले खेलको दोस्रो हाफको सुरुमै दुई खेलाडी परिवर्तन गरेको छ । फरवार्ड ओस्टोन उरुनोभलाई दोस्तोन्बेक खाम्दामोभले रिप्लेस गरेका छन् भने सेर्जोड नास्रुलुएभलाई फारुख सेफ्लिभले रिप्लेस गरेका हुन् ।

मेक्सिकोको ऐतिहासिक एस्टेका रङ्गशालामा जारी फिफा विश्वकप २०२६ अन्तर्गत समूह 'के' मा रहेको कोलम्बिया र उज्वेकिस्तानबीचको खेलको दोस्रो हाफको खेल सुरु भएको छ । कोलम्बियाले पहिलो हाफमा ७२ प्रतिशत बल पोजेसन राख्दै खेलमा आफ्नो पूर्ण दबाब कायम गरेको छ। पहिलो हाफमा उज्वेकिस्तानले कोलम्बियाको पोस्टमा कुनै पनि प्रहार गर्न सकेको छैन।

सोभियत संघबाट अलग भएको लामो समयपछि उज्वेकिस्तानले आफ्नो इतिहासमै पहिलो पटक विश्वकप खेल्दै नयाँ इतिहास रचेको हो। त्यस्तै, सन् २०२२ को कतार विश्वकपमा छनोट हुन नसकेको कोलम्बियाको यो ७औँ विश्वकप सहभागिता हो।

मेक्सिको सिटी रंगशालामा भईरहेको विश्वकप फुटबल समूह 'के' अन्तर्गतको उज्वेकिस्तान र कोलम्बियाबीचको खेलमा कोलम्बियाका डेनियल मुनोजले आफ्नो टोलीका लागि पहिलो गोल गर्दै। मुनाेज क्रिस्टल प्यालेसबाट क्लब फुटबल खेल्ने गर्छन् । तस्बिर : एपी

फिफा वरियतामा १३ औं स्थानमा रहेको कोलम्बियाले ५० औं स्थानमा रहेको उज्वेकिस्तानविरुद्ध पहिलो हाफमा १ गोलको अग्रता लिएको छ । समूह ‘के’ अन्तर्गत भईरहेको पहिलो खेलमा पोर्चुगलले कंगोसँग १–१ को बराबरीमा अंक बाँडेपछि कोलम्बिया ३ अंकसहित समूहमा सुरुवाती पहिलो स्थानमा आएको छ ।