६८ हजारभन्दा बढी दर्शक क्षमता भएको ह्युस्टन रंगशालामा यसअघि भएको खेलमा जर्मनीले कुराकाओलाई ७–१ ले पराजित गरेको थियो ।

पोर्चुगल र कंगोबीचको खेल अमेरिकाको ह्युस्टनमा भइरहेको छ र मध्याह्नमा भइरहेको यस खेललाई सम्भावित आँधीको खतरा रहेको छ । स्टेडियम छानाले छोपिएको हुनाले डराउनु पर्ने केही छैन । तर, रंगशालामा पुग्ने क्रममा रहेका दर्शकहरूले भने खराब मौसम र भारी वर्षातको सामना गरिरहेका छन् ।

क्रिस्टियानो रोनाल्डोले पोर्चुगलबाट १ सय ४७ गोल गरेका छन्, जुन कुनै पनि खेलाडीले एउटा देशका लागि गरेको सर्वाधिक गोलको कीर्तिमान हो । विश्वकप इतिहासमा भने रोनाल्डोले २२ खेलमा ८ गोल गरेका छन् र उनी सर्वाधिक गोल गर्नेमा जर्मनीका मिरोस्लाभ क्लोस र अर्जेन्टिनाका लियोनेल मेसीभन्दा ८ गोलले पछाडि छन् ।