काठमाडौँ — इस्टपोल उसु क्वान १२ स्वर्णसहित २४ पदक जितेर गोकर्णेश्वर स्पोर्ट्स सिटी हलमा भएको पाँचौ उपत्यकाव्यापी खुला जुनियर उसु प्रतियोगिताको ट्रफी जितेको छ ।

तीन दिन चलेको प्रतियोगितामा इस्टपोल थप ६ रजत र ६ कांस्य पदक जित्दै टिम च्याम्पियन बन्न सफल भयो ।

राष्ट्रिय खेलाडी तथा इस्टपोलका प्रमुख प्रशिक्षक विजय सिन्जालीले खेलाडीको निरन्तर मिहिने, लगनशीलता र अनुशासनका कारण उत्कृष्ट नतिजा सम्भव भएको बताए ।

प्रतियोगितामा अलकेमिस्ट उसु क्वान ६ स्वर्ण, १ रजत र ५ कांस्य पदकसहित दोस्रो स्थानमा रह्यो । टिमका प्रशिक्षक पासाङ शेर्पाले यस सफलताले खेलाडीको मनोबल अझ उच्च बनाएको बताए । मनमैजु उसु क्वान ५ स्वर्ण, ९ रजत र ८ कांस्यसहित तेस्रो स्थानमा रह्यो ।