गोवास्थित नेहरू स्टेडियममा सोमबार हुने उद्घाटन खेलमा प्रशिक्षक नवीन न्यौपानेले घोषणा गरेको ११ सदस्यीय टोलीमा अनिता लाम्जेलले पहिलो पटक अवसर पाएकी छिन्।
काठमाडौँ — वुमेन्स साफ च्याम्पियनसिप २०२६ को उद्घाटन खेलमा नेपालले सोमबार भुटानको सामना गर्दैछ । समूह ‘ए’ को यस खेलका लागि प्रमुख प्रशिक्षक नवीन न्यौपानेले सुरुआती ११ सदस्यीय टिम घोषणा गरेका छन् र त्यसमा फरवार्ड अनिता लाम्जेलले डेब्युको अवसर पाउँदैछिन् ।
खेल भारतको गोवास्थिति पण्डित जवाहरलाल नेहरू स्टेडियमा हुँदैछ । घोषित टिमको गोलरक्षकमा एन्जिला सुब्बा रहेकी छिन् र उनकै नेतृत्वमा नेपाल मैदानमा उत्रदैछ । डिफेन्समा गीता राना, पूजा राना, विमला विक र हिराकुमारी भुजल छन् । यस्तै मिडफिल्डमा रेनुका नगरकोटे र दीपा शाही छन् ।
फरवार्डमा लाम्जेलसँगै अनिता बस्नेत, रश्मिकुमारी घिसिङ र रेखा पौडेल गरेका छन् । नेपालको समूहमा श्रीलंका पनि रहेको छ । लिग चरणको समाप्तीमा शीर्ष दुई स्थानमा रहेका टिम सेमिफाइनल पुग्नेछन् । पछिल्लो संस्करणको प्रतियोगितमा भुटानले नेपाललाई गोलरहित बराबरीमा रोकेको थियो ।
