भैरहवा — पञ्चकन्या रुपन्देही सुपर लिग ‘ए’ डिभिजनअन्तर्गत आइतबारको खेलमा लुम्बिनी खुकुरी क्लबले सानदार जित निकालेको छ ।

तिरुपति क्रिकेट क्लबलाई ७ विकेटले पराजित गर्दै लुम्बिनी खुकरी विजयी भएको हो । ५० ओभरको खेललाई मौसमको प्रतिकुलताका कारण २० ओभरमा छोट्याइएको थियो । रुपन्देही क्रिकेट संघको आयोजनामा उक्त प्रतियोगिता सञ्चालित छ ।

जितका लागि पाएको ८० रनको लक्ष्य लुम्बिनी खुकुरीले १० ओभर ५ बलमा ३ विकेटको नोक्सानीमा सहजै पूरा गर्यो । उसको जितमा निश्चल चौधरीले अविजित २६, सन्दीप रजालीले नटआउट २०, शंकर रानाले १५ र समीर अली मुसलमानले १० रनको योगदान दिए । तिरुपतिका तुलबहादुर थापा २ र अपराजित पौडेलले १ विकेट लिए ।