काठमाडौँ — कसमिरो बेन्जामिन सेस्कोले पहिलो हाफमा गरेको गोलको मदतले म्यानचेस्टर युनाइटेडले इंग्लिस प्रिमियर लिगमा सोमबार ब्रेन्टफोर्डलाई २–१ ले हराएको छ र यससँगै युरोपेली च्याम्पियन्स लिग छनोटको नजिक पुगेको छ ।

युनाइटेड ६१ अंकमा तेस्रोमा छ र यो छैटौंमा रहेको ब्राइटनमाथि ११ अंकको अग्रता हो । शीर्ष पाँच टिमले अर्को सिजन च्याम्पियन्स लिग खेल्ने भएको हुनाले युनाइटेड सन् २०२३–२०२४ यता त्यस प्रतियोगितामा छनोट हुने संघारमा पुगेको हो ।

लिगमा अहिले चार चरणका खेल मात्र बाँकी छन् । ब्रेन्टफोर्डका लागि माथिस जेन्सनले खेलको अन्त्यतिर एक गोल फर्काए । ब्रेन्टफोर्ड भने ४८ अंकमा नवौं स्थानमा रह्यो ।