यो जितपछि रियलको ७३ अंक भएको छ र यो शीर्षमा रहेको बार्सिलोनासँग छ अंकको दूरी हो ।
काठमाडौँ — केयलिन एमबापे र भिनिसियस जुनियरको गोलको मदतले रियल म्याड्रिडले मंगलबार स्पेनी ला लिगामा एलाभेसलाई २–१ ले पराजित गरेको छ र लिग उपाधि जित्ने झिनो सम्भावना कायम राखेको छ ।
यो जितपछि रियलको ७३ अंक भएको छ र यो शीर्षमा रहेको बार्सिलोनासँग छ अंकको दूरी हो । बार्सिलोनाले एक खेल पनि कम खेलेको छ । एलाभेस ३३ अंकमा १७ औं स्थानमा छ ।
अर्को खेलमा रियल बेटिसले जिरोनालाई ३–२ ले हराएको छ । यो जितपछि बेटिस ४९ अंकमा पाँचौं स्थानमा रह्यो र उसले पनि अर्को सिजन युरोपमा खेल्ने सम्भावना बढायो । जिरोना ३८ अंकमा ११ औं स्थानमा छ ।
