नेपालले १२ ओभरको समाप्तीमा २ विकेटको नोक्सानीमा १०२ रन जोडेको छ । 

नेपालले १० ओभरको समाप्तीमा २ विकेट गुमाउँदै ८४ रन जोडेको छ । 

नेपालका लागि कुशल भूर्तेलले ३१ बलमा ९ चौका र १ छक्काको मद्दतमा ५३ रन बनाउँदै आफ्नो अर्धशतक पूरा गरेका छन् ।

नेपालले दोस्रो विकेटका रूपमा सन्तोष यादवलाई गुमाएको छ ।  उनी १ रन बनाएर आउट भए ।

नेपालले ८ ओभरको समाप्तीमा एक विकेट गुमाउँदै ७० रन जोडेको छ । 

कुशल मल्ल १९ रन बनाएर आउट भएका छन् । उनी यूएईका महम्मद अरफानको बलमा क्याचआउट भएका हुन् ।

यूएईविरुद्ध नेपालले ५ दशमलव ३ ओभरमा ५० रन पूरा गरेको छ । 

नेपालका लागि कुशल भूर्तेल र कुशल मल्लको जोडीले ५ ओभरमा ४७ रन जोडेको छ । सुरुवातमा धीमा खेलेका मल्लले दुई छक्काको मद्दतमा ११ बलमा १३ रन जोडेका छन् भने भूर्तेलले १९ बलमा ७ चौकाको मद्दतमा ३३ रन बनाएका छन् ।

नेपालले ३ ओभरको समाप्तीमा १७ रन जोडेको छ । कुशल मल्लले ७ बलको सामना गर्दा खाता पनि खोल्न सकेका छैनन् भने कुशल भूर्तेलले ११ बल खेली ४ चौकाको मद्दतमा १७ रन जोडेका हुन् । 

नेपालका लागि कुशल भूर्तेल र कुशल मल्लको जोडी क्रिजमा । पहिलो ओभरमा जोडे ५ रन । 

यूएईले नेपालसँगको अन्तिम ट्वान्टी–२० अन्तर्राष्ट्रिय क्रिकेटमा २० ओभरमा ८ विकेट गुमाउँदै १२८ रन बनाएको छ । अब नेपालले यो म्याच जित्न १२९ रन बनाउनुपर्नेछ । 

सन्दीप लामिछानेले आफ्नो ४ ओभरको स्पेलमा १ ओभर मेडन राख्दै ६ रन दिएर ३ विकेट लिएका छन् । आफ्नो चौथो ओभरमा उनले १ रन दिएर २ विकेट लिएका छन् । 

सन्दीप लामिछानेले यूएईका सातौं ब्याट्सम्यानलाई आउट गरेका छन् । मोहम्मद अरफान  ३६ बलमा ३२ रन बनाएर सन्दीपको बलमा क्याचआउट भएका हुन् ।

यूएईले १७ ओभरको समाप्तीमा ६ विकेट गुमाउँदै १०० रन पूरा गरेको छ ।

‍नेपालले यूएईविरुद्धको दोस्रो तथा अन्तिम ट्वान्टी–२० अन्तर्राष्ट्रिय क्रिकेटमा कसिलो बलिङ गरेको छ । १६  ओभरमा यूएईले ६ ब्याट्सम्यान गुमाउँदै ९२ रन जोडेको छ । 

यूएईले १४ ओभरको समाप्तीमा ६ विकेट गुमाउँदै ८० रन जोडेको छ ।

यूएईले १२ ओभरको समाप्तीमा आफ्ना ६ खेलाडी गुमाउँदै ७३ रन जोडेको छ । 

नेपालका कप्तान दीपेन्द्रसिंह ऐरीले आफ्नो पहिलो ओभरमा १ रन दिएका छन् ।

यूएईले ९ ओभरमा ६ विकेट गुमाउँदै ५० रन जोडेको छ । पहिलो ओभर मेडन गरेका सन्दीप लामिछानेले दोस्रो ओभरमा २ रनमात्रै दिएका छन् ।

पहिलो ओभरमा १७ दिएका शाहव आलमले आफ्नो दोस्रो ओभरमा १ रन दिएर १ विकेट लिएका छन् भने एक खेलाडी रनआउट भएका छन् ।

नेपालका लागि ७ औं र व्यक्तिगत पहिलो ओभर लिएर आएका सन्दीप लामिछानेले मेडन ओभर गर्दै १ विकेट लिएका छन् । 

नेपालका लागि सन्दीप लामिछानेले चौथो सफलता दिलाएका छन् । यूएईले ४७ रन जोड्दा आफ्नो चौथो विकेट गुमाएको हो ।

शाहव आलमको पहिलो ओभरमा यूएईका ब्याटरले १७ रन जोडेका छन् । 

हेमन्त धामीले आफ्नो स्पेलको तेस्रो र नेपालका लागि पाँचौं ओभरमा १ रन मात्रै दिएका छन् । यूएईले ५ ओभरको समाप्तीमा ३० रन जोड्दै ३ विकेट गुमाएको छ । 

नेपालले यूएईविरुद्धको दोस्रो तथा अन्तिम ट्वान्टी–२० अन्तर्राष्ट्रिय क्रिकेटमा पहिला बलिङ गर्दै ३ ओभरमा ३ विकेट लिँदै २३ रन दिएको छ ।

नेपालका लागि हेमन्त धामीले तेस्रो सफलता दिलाएका छन् । यूएईका हरपित सिंहलाई व्यक्तिगत १ रनको स्कोरमा एलबीडब्लू आउट गरेका हुन् । यूएईले २ दशमलव २ ओभरमा २० रन बनाएको छ । 

नन्दन यादवले नेपालका लागि दोस्रो सफलता दिलाएका छन् । उनले यूएईका ब्याटर एलिसन सराफुलाई लोकेश बमको हातबाट क्याचआउट गराएका हुन् ।

नेपालका लागि हेमन्त धामीले पहिलो ओभर बलिङ गर्दै ८ रन दिएर १ विकेट लिएका छन् । यूएईसँगको पहिलो म्याचमा धामीले आफ्नो पहिलो ओभरमा २० रन दिएका थिए । 

हेमन्त धामीले यूएईका मोहम्मद वासिमलाई पहिलो बलमै एलबीडब्लूको धरापमा पारेका छन् ।

हेमन्त धामी ।