सुनसरी — सुनसरीको इनरुवामा महिला राष्ट्रिय कबड्डी प्रतियोगिता हुने भएको छ । सुनसरी जिल्ला खेलकुद क्लबको आयोजना तथा अखिल नेपाल कबड्डी संघको समन्वयमा वैसाख २६ देखि ३० सम्म प्रतियोगिता हुने भएको हो ।

प्रतियोगितामा सातै प्रदेशका एक/एक टीम र तीन वटा विभागीय गरी १० टोलीको सहभागिता रहने आयोजकले जनाएको छ । 

प्रतियोगितामा १२० खेलाडी, प्रशिक्षक, टिम व्यवस्थापक र निर्णायक ३० जना गरी १७० जना प्रत्यक्ष सहभागी हुनेछन् । विभिन्न संघ–संस्था र स्वयंसेवकसहित करिब २ सय ५४ जनाको सहभागिता रहने अपेक्षा गरिएको छ । 

प्रतियोगितामा प्रथम हुने टिमलाई नगद १ लाख र दोस्रो हुने टिमले ५० हजार रुपैयाँ प्राप्त गर्नेछ । तृतीय स्थान हाँसिल गर्ने दुई टोलीलाई जनही २५/२५ हजार रुपैयाा नगद प्रदान गरिने आयोजकले जनाएको छ । 
प्रतियोगिताको कुल लागत करिब ४५ लाख रुपैयाँ रहने अनुमान गरिएको छ ।