काठमाडौँ — कोशी प्रदेशस्तरीय व्याडमिन्टन प्रतियोगिताको उपाधि ताप्लेजुङका आन्द्रियाश लिम्बूले जितेका छन् । इलामका दिवश शंकरलाई पराजित गर्दै लिम्बूले २५ हजार नगद पुरस्कारको उपाधि जितेका हुन् ।

उपविजेता दिवसले २० हजारमा चित्त बुझाए। पाँचथरका किरण श्रेष्ठ र ताप्लेजुङका मिलिन गुरुङले सान्त्वना पुरस्कार नगर ५ हजार प्राप्त गरे । मिक्स डवलतर्फ ताप्लेजुङका मिलिन गुरुङ र उदयपुरकी रोजी राईको जोडीले उपाधि जित्यो ।

ताप्लेजुङका आन्द्रियाश लिम्बू र भोजपुरकी एन्जिला राईको जोडी उपविजेता बन्यो। प्रथमले २० र द्वितीयले १५ हजार नगद पुरस्कार प्राप्त गरे । मिक्स डवलतर्फ ताप्लेजुङका मिसेकहाङ चोङबाङ र निङमा डोल्मा शेर्पा तथा पाँचथरका शैलेश आङदेम्बे र सलोमी आङदेम्बेको जोडीले पाँच हजारका दरले सान्त्वना पुरस्कार प्राप्त गरे ।