काठमाडौँ — स्पेनी ला लिगामा रायो भालेकानोले शुक्रबार एल्चेमाथि १–० को साँघुरो जित निकालेको छ र यससँग अर्को सिजन युरोपमा खेल्ने सम्भावना जीवन्त राखेको छ ।

खेलको एक मात्र गोल रेन्डी एटेकेले ७४ औं मिनेटमा गरे र यो नै टिमलाई तीन बहुमूल्य अंक दिलाउन पर्याप्त रह्यो । एल्चेले भने पहिलो हाफमै पेड्रो बिगासलाई रातो कार्डमा गुमाएपछि दस खेलाडीमा सीमित रहेर खेलेको थियो ।

यो जितपछि भालेकानोको ३५ अंक भएको छ र १२ औं स्थानमा छ । एल्चे भने २९ अंकमा १७ औं स्थानमा छ र उसमाथि रेलिगेसनको दबाब बढेको छ ।