काठमाडौँ — नटिंघम फरेस्टले पेनाल्टीमा मिडत्जल्यान्डलाई पराजित गर्दै बिहीबार युरोपा लिगको क्वाटरफाइनल प्रवेश गरेको छ । यस्तै इस्टन भिल्लाले पनि क्वाटरफाइनल प्रवेशका लाग लिललाई २–० ले पराजित गरेको छ । फरेस्टले अन्तिम १६ को दोस्रो लेग २–१ ले जितपछि स्थिति समग्रमा २–२ को बराबरी भएको हो । त्यसपछि भएको टाइब्रेकरमा फरेस्ट ३–० ले विजयी रह्यो । भिल्ला भने समग्रमा ३–० ले विजयी रह्यो ।

यस्तै समग्रमा ब्रागले फेनेबाचेलाई ४–२, रियल बेटिसले प्यानाथिनाइकोसलाई ४–१, फ्रेबर्गले जेन्कलाई ५–२, सेल्टा भिगोले लियोनलाई ३–१ र पोर्टोले स्टुटगार्टलाई ४–१ ले हरायो । बोलोग्नाले पनि अतिरिक्त समयको खेलपछि रोमालाई समग्रमा ५–४ ले पराजित गर्न सफल रह्यो । यससँगै प्रतियोगिताको अन्तिम आठको समीकरण पूरा भएको छ ।