काठमाडौँ — मित्रश्री विधालयले एकदिवसीय प्रथम डाइनामिक कप इनलाइन स्केटिङ स्पीड च्याम्पियनसिप जितेको छ । शनिबार भक्तपुरको गुण्डुस्थित काठमाडौं वर्ल्ड स्कुलमा सम्पन्न प्रतियोगितामा जनप्रेमी विद्यालय दोस्रो र शिवर्ड विद्यालय तेस्रो भए । 

जुनियर तथा सिनियर विद्याका खेलाडीको सहभागिता रहेको प्रतियोगितामा यी तीन विद्यालयबाट २ सय ५० खेलाडीको सहभागिता थियो । ३ सय मिटरमा ६–६ महिला तथा पुरुषतर्फका खेल भएका थिए । प्रतियोगितामा ६ देखि ८–८ देखि १०–१० देखि १२–१२ देखि १४–१४ देखि १६–१६ देखि १८ उमेर समुहका खेलाडीले खेलेका थिए ।

त्यसमध्ये ३६ जनाले पहिलो, दोस्रो, तेस्रो स्थान प्राप्त गरेर मेडल तथा प्रमाण पत्र प्राप्त गरेका छन् । प्रतियोगिता डाइनामिक स्केट क्लब भक्तपुर तथा नेपाल स्केटिङ तथा स्केटबोर्डिङ एसोसिएसनको संयुक्त आयोजनामा भएको हो ।