शनिबार सम्पन्न खेलमा पुलिसका पहल गहतराज, आर्मीका देव राना र गण्डकीका सन्जु विक्रम शाह 'म्यान अफ दी म्याच' भए ।
परासी — पूर्वी नवलपरासीमा जारी जीएम कप राष्ट्रिय पुरुष भलिबल प्रतियोगिता २०८२ अन्तर्गत शनिबार सम्पन्न खेलमा विभागीय टिम नेपाल पुलिस क्लब, त्रिभुवन आर्मी क्लब र गण्डकी प्रदेश विजय भएका छन् । पुलिसले बागमती प्रदेशलाई २५- १२ , २५ -१८ र २५-१९ को सोझो सेटमा पराजित गरेको थियो
त्रिभुवन आर्मीले कर्णाली प्रदेशलाई २५- १४, २५-१३ र २५-२२ सोझो सेटमा पछाडि पार्यो । गण्डकीले लुम्बिनी प्रदेशलाई २५-२१, २५-१५, २३-२५ र २५ -२० को सेटमा जित निकालेको हो ।
अब लिग चरणका खेल सकिएका छ्न् । शनिबार सम्पन्न खेलमा पुलिसका पहल गहतराज, आर्मीका देव राना र गण्डकीका सन्जु विक्रम शाह 'म्यान अफ दी म्याच' घोषित भए । आइतबारबाट नकआउट चरणका खेल सुरु हुने जीएम समाजका सल्लाहकार सहज राना मगरले बताए ।
