कोलम्बो — श्रीलंकाले अफगानिस्तानविरुद्ध यूएईमा हुन लागेको एकदिवसीय अन्तर्राष्ट्रिय र ट्वान्टी-२० अन्तर्राष्ट्रिय क्रिकेट शृंखला अनिश्चित कालका लागि स्थगित गरेको जनाएको छ ।

श्रीलंका र अफगानिस्तानबीच शारजहाँमा मार्च १३, १५ र १७ मा ट्वान्टी-२० र मार्च २०, २२ र २५ मा एकदिवसीय शृंखला खेल्ने कार्यक्रम रहेको थियो । 

‘हामीले विमान उडानको स्थिति र त्यस क्षेत्रको द्वन्द्वका कारण आउदो शृंखला रद्ध गर्नु परेको हो,’ श्रीलंकाका एक अधिकारीले एएफपीलाई बताए । अफगानिस्तानले श्रीलंकासँग द्विपक्षीय शृंखला आयोजना गर्न लागेको यो पहिलो अवसर थियो । तर अमेरिका र इरानले फेब्रुअरी २८ यता इरानमा आक्रामण गरेयता मध्यपूर्व तनाव रहेको छ । 

इरानले यूएईको दुबईलगायत गल्फ क्षेत्रमा जवाफी आक्रमण गरेपछि त्यसको वरपरबाट उड्ने अधिकांश अन्तर्राष्ट्रिय उडानहरू प्रभावित भएका छन् । युद्धको रापबाट उठ्दै गरेको अफगानिस्तानले अहिलेसम्म घरेलु मैदानमा अन्तर्राष्ट्रिय क्रिकेट खेल आयोजना गर्न सकेको छैन । उसले आफ्ना घरेलु शृंखला भारत र यूएईमा खेल्दै आएको छ ।