काठमाडौँ — लिगमा लगातार चार खेलको जितहीन यात्रामा पूर्ण विराम लगाउँदै युभेन्ट्सले इटालीको सिरी ए मा शनिबार पिसालाई सजिलै ४–० ले हराएको छ । यो जितले युभेन्ट्सको अर्को सिजन युरोपमा खेल्ने सम्भावना फेरि जीवन्त रह्यो ।

यो जितले युभेन्ट्सको ५० अंक भएको छ र छैटौं स्थानमा रह्यो । पिसा भने १५ अंकमा लिग तालिकाको पुछारमा छ र रेलिगेसनतर्फ अग्रसर छ । अर्को महत्त्वको खेलमा कोमोले कागलिरीलाई २–१ ले हरायो र आफ्नो अविश्वसनीय यात्रा कायम राख्यो ।

त्यसमा लुकास डा कुन्हाले निर्णायक गोल गरे । यो जितपछि कोमो ५१ अंकमा चौथो स्थानमा रह्यो ।