काठमाडौँ — राष्ट्रिय लिग २०८२ को शनिबार दशरथ रंगशालामा भएको पुलिस डर्बी रोमाञ्चक बराबरीमा समाप्त भएको छ । पुलिसले एपीएफलाई २–२ को बराबरीमा रहेको हो । एपीएफले दुइपल्ट अग्रता लिएर पनि त्यसलाई कायम राख्न सकेन, तर ८ खेलबाट २० अंकमा लिग तालिकाको शीर्ष स्थानमा रह्यो ।

एपीएफ अहिलेसम्म अपराजित पनि छ । पुलिस भने ८ खेलबाट ८ अंकमै सीमित रह्यो । एपीएफले १० औं मिनेटमा प्रदीप लामाको गोलले अग्रता लिएको थियो । शिशिर चौधरीले २७ औं मिनेटमा बराबरी गोल फर्काए । 

प्रदीपले ६१ औं मिनेटमा एपीएफका लागि दोस्रो गोल गरे र यससँगै टिम दोस्रोपल्ट अगाडि रह्यो ।

ओशेन्द्र कटुवालले ८८ औं मिनेटमा पुलिसका लागि दोस्रो गोल गरे र खेल बराबरी टुंगियो । यसअघि राम्रो प्रदर्शनका लागि संघर्षरत पुलिसले एपीएफ भने आक्रमक भएर प्रस्तुत गरेको थियो ।