त्यसपछि युसुफले ३७, ५५ र ५६ औं मिनेटमा तीन गोल गरे । सोनम श्रेष्ठले ७१ औं मिनेटमा काँक्रेबिहारका लागि एक गोल फर्काए । काँक्रेबिहानको यो ७ खेलमा छैटौं हार हो । एकमात्र बराबरीको नतिजासँगै क्राँकेबिहार १ अंकमा छ । दशरथ रंगशालामा भएको दोस्रो खेलमा श्री भगवती र सातदोबाटोले निर्णायक सावित आक्रमण बुन्न सकेन र दुवैले निराशाजनक १–१ अंकमा चित्त बुझाए । यो नतिजापछि सातदोबाटो ६ र श्री भगवती ५ अंकमा रहे । श्री भगवतीलाई कम्तीमा के राहत रहनेछ भने कम्तीमा टोलीको लगातार ३ हारको क्रममा पूर्णविराम लागेको छ । 

फ्लडलाइटमा भएको अन्तिम खेलमा एपीएफका लागि प्रदीप लामाले ४२ र युवराज खड्काले ७१ औं मिनेटमा गोल गरे । यो जितले एपीएफ उपाधि होडमा सबैभन्दा बलियो देखिएको छ । उसले आफ्ना ७ खेलमध्ये ३ मा क्लिनसिट पनि कायम राखेको छ । मनाङ भने निराशाजनक रूपमा ८ खेलबाट ८ अंकमै सीमित रह्यो । मनाङले पछिल्ला ३ खेलमा २ अंकमात्र जोड्न सकेको छ ।