एक्स्ट्रिम इनर्जी ड्रिंक्सले विभिन्न सोसल मिडिया तथा उपभोक्ता केन्द्रित क्याम्पेन सञ्चालन गर्दै ४० भाग्यशाली जनालाई मुम्बईमा नेपालको खेल रंगशालामै गएर देखाउने प्याकेज लिएर आएको छ । सो प्याकेजअन्तर्गत भाग्यशाली विजेताले खेलाडीलाई प्रत्यक्ष रूपमा हौसला प्रदान गर्न पाउने पनि एक्स्ट्रिम इनर्जीले जनाएको छ । 

एक्स्ट्रिम इनर्जी ड्रिंक्स महिला राष्ट्रिय क्रिकेट टोलीको मुख्य प्रायोजक हो । कान्तिपुर म्याक्सले नेपाल प्रिमियर लिग (एनपीएल) क्रिकेट प्रत्यक्ष प्रसारण गरेको थियो । एक्स्ट्रिम एनपीएलको टोली काठमान्डु गोर्खाजसँग आवद्ध रहेको थियो । 

कान्तिपुर म्याक्सले आफूलाई खेलकुद च्यानलका रूपमा विकास गरिरहेको जनाएको छ । हाल कान्तिपुर म्याक्सबाट पोखरामा भइरहेको टाइगर कप भलिबल, काठमाडौंमा भइरहेको महिला टी–२० विश्वकप ग्लोबल छनोट र विश्वको सबैभन्दा चर्चित घरेलु फुटबल इंग्लिस प्रिमियर लिग प्रत्यक्ष प्रसारण गरिरहेको छ । कान्तिपुरले यसअघि इन्डियन प्रिमियर लिग (आईपीएल) क्रिकेट, विम्बल्डन टेनिस प्रत्यक्ष प्रसारण गरेको थियो ।