काठमाडौँ — भ्याली पब्लिक र इडेन ब्रिज एकेडेमी –ईबीए) पाँचौं केभीकेएसएस अन्तरविद्यालय छात्रा बास्केटबल प्रतियोगितामा फाइनल पुगेका छन् ।

दृश्य गुरुङको १० स्कोरमा भ्यालीले आयोजक केभीकेएसएस ‘ए’ २३–१४ स्कोरले पराजित गर्‍यो । भ्यालीकी सोनी तामाङ प्लेयर अफ द म्याच घोषित भइन् ।

ईबीएले ल्यान्डमार्क एकेडेमीलाई १९–११ ले हरायो । ईबीएकी मेनुका मगरले ८ स्कोर जोडिन् । ईबीएकी अनामिका पटेल प्लेयर अफ द म्याच भइन् । फाइनल शुक्रबार हुनेछ ।

भ्याली पब्लिकलाई अर्को सफलता

त्यस्तै भ्याली पब्लिक सिमोन स्मृति दोस्रो फेरिल्यान्ड अन्तरविद्यालय बास्केटबल प्रतियोगिताको जुनियर गर्ल्सतर्फ पनि फाइनल पुगेको छ ।

भ्याली पब्लिकले फेरिल्यान्ड ‘बी’ लाई १८–१५ ले हराउँदा भ्यालीकी सोनी तामाङले ५ स्कोर गरिन् । भ्यालीले अब आयोजक फेरिल्यान्ड स्कुल ‘ए’ विरुद्ध फाइनल खेल्नेछ ।