मोडेस्टर मुपाचिकवाले २६ बल खेली १४ रन बनाइन् । लोरिन सुमाले खाता खोल्न सकिनन् भने जोसेफिन एनकोमो ६ र चिइद्जा धुरुरु ४ रनमा आउट भइन् । नेपालबाट रिया शर्माले २ विकेट लिइन् । उनले ४ ओभरमा २५ रन खर्चेकी थिइन् । कविता कुँवर, सीता रानामगर, रुविना क्षेत्री र पुजा महतोले १–१ विकेट लिइन् ।

नेपाल र जिम्बावे पहिलो पटक आमनेसामने भएका हुन् । सुपर सिक्समा पुग्ने झिनो आशालाई कायम राख्न नेपाललाई यो खेल जित्नैपर्ने अवस्था छ । पहिलो पटक ट्वान्टी–२० विश्वकप ग्लोबल छनोटमा खेलिरहेको नेपाल पहिलो जित हात पार्ने आशामा रहेको छ ।

नेपाल पहिलो दुई खेलमा पराजित भइसकेको छ । नेपाललाई थाइल्यान्डले ८ विकेटले र नेदरल्यान्ड्सले २ रनले पराजित गरेको थियो । जिम्बावे पहिलो ३ खेलमा पराजित भएर सुपर सिक्समा पुग्ने सम्भावनाबाट बाहिरिसकेको छ । जिम्बावे यस प्रतियोगितामा नेदरल्यान्ड्स, थाइल्यान्ड र स्कटल्यान्डसँग पराजित भएको थियो ।