जनाएको छ । यसपालि विजेता र उपविजेताको पुरस्कार राशि धरान उपमहानगरपालिकाले उपलब्ध गराउने जनाइएको छ । प्रतियोगिताका लागि१ करोड ७ लाख आय र ८७ लाख १५ हजार रुपैयाँ व्यय अनुमान गरिएको छ । प्रतियोगिताको मुख्य प्रायोजक गोरखा ब्रुअरी प्रालि र सह–प्रायोजक टेस्टी–टेस्टी चाउचाउ रहेको आयोजकले जनाएको छ ।

विगतमा १२ टिमसम्मले भाग लिएको प्रतियोगितामा केही वर्षयता ८ टिम मात्र खेलाइँदै आएको थियो । खेलको स्तर बढाउन क्लब संख्या बढाउनुपर्ने सुझाव मध्यनजर गर्दै यस वर्ष १० टिम सहभागी गराइएको र भविष्यमा पुनः १२ टिम सहभागी गराउने योजना रहेको महासचिव राईले बताए । 

धरान फुटबल क्लबका अध्यक्ष प्रताप तामाङले आयोजक टिम पाँच पटक फाइनलमा पुगे पनि हालसम्म उपाधि जित्न नसकेको बताए । ‘हामी पााच पटक फाइनल खेलेका छौं, राम्रो खेले पनि भाग्यले साथ नदिँदा उपाधिविहीन भएका छौं,’ उनले भने, ‘धरानको टिममा बाहिरका खेलाडी नखेलाउने मागलाई मध्यनजर गर्दै यसपालि धरानकै खेलाडीबाट टिम बनाउने छौं ।’ उनले धरानमा खेल पूर्वाधारको कमीका कारण खेलाडीले पर्याप्त प्रशिक्षण पाउन नसकेको उल्लेख गर्दै यसतर्फ स्थानीय सरकार तथा सम्बन्धित निकायले चासो दिनुपर्ने आवश्यकता औंल्याए ।