खोटाङ — प्रभुराम राई आमन्त्रित पुरुष फुलबल प्रतियोगिताको ट्रफी अनावरण तथा खेल तालिका सार्वजनिक गरिएको छ । आगामी माघ ७ गतेदेखि बुइपास्थित यलम्बर रङ्गशालामा हुने खेलको ट्रफी अनावरण र खेल तालिका बुधबार सार्वजनिक गरिएको हो ।

ट्रफी अनावरण मुख्य प्रायोजक प्रभुराम राई तथा उनका छोराहरू दिनेश राई र पाण्डप राईले गरेका हुन् । जिल्ला फुटबल संघ खोटाङका कोषाध्यक्ष रोसन राईका अनुसार प्रतियोगिताको उद्घाटन खेल आयोजक बुइपा ११ स्पोर्ट्स क्लब र ऐंसेलुखर्क गाउँपालिकाबीच हुनेछ । 

प्रतियोगितामा आमन्त्रण गरिएका १० टिमध्ये मानेभन्ज्याङ फुटबल क्लब, सिर्जना युवा क्लब, नेर्पा स्पोटर््स क्लब, रणभीम गण मुढे ब्यारेक, गछिया युवा क्लब र केपिलासगढी गाउँपालिकाले बाइ पाएपछि सिधै क्वार्टर फाइनलमा भिडन्त गर्ने आयोजकले जनाएको छ ।