काठमाडौँ — आयोजक मोरक्कोले अफ्रिकी कप अफ नेसन्सको सेमिफाइनल प्रवेश गर्नका लागि शुक्रबार क्यामरुनलाई २–० ले पराजित गरेको छ ।

सेनेगल पनि सेमिफाइनल पुगेको छ र यसले यसका लागि मालीलाई १–० ले हरायो ।

रबाटमा भएको खेलमा मोरक्कोका लागि ब्राहिम डियाज र इस्माइल साइबारीले गोल गरे । मोरक्कोका लागि सन् १९७६ यता पहिलो पटक अफ्रिकी कप अफ नेसन्स जित्ने अवसर बनेको छ ।

सेनेगलको जितमा भने इलिमन एनडियेले गोल गरे । प्रतियोगिताको शनिबार हुने अन्य दुई क्वाटरफाइनलमा अल्जेरिया र नाइजेरिया तथा इजिप्ट र आइभरीकोस्ट भिड्दै छन् ।