काठमाडौँ — पोखरामा यही पुस २३ गते हुने २२ औं एनएसजेएफ पल्सर स्पोट्स अवार्डका लागि हिमश्री फुड्स प्रालिको रारा चाउचाउ पनि सहयोगीको रूपमा रहने भएको छ ।

नेपाल खेलकुद पत्रकार मञ्चले २०६० सालदेखि भएको स्पोर्ट्स अवार्ड पहिलो पटक उपत्यकाबाहिर आयोजना गर्न लागेको हो ।

पोखरेली भूमिमा हुने अवार्डलाई स्थानीय औद्योगिक संस्थाहरूले साथ दिनेक्रममा हिमश्री फुड्स पनि जोडिएको मञ्चले जनाएको छ । अवार्डको मुख्य प्रवर्द्धकमा पोखरा महानगरपालिका नै रहेको छ ।  

आयोजक एनएसजेएफका अध्यक्ष निरञ्जन अधिकारी र हिमश्री फुड्सका प्रवन्ध निर्देशक प्रकाश केसीले स्पोर्ट्स अवार्डका लागि सहकार्यसम्बन्धी सम्झौता पत्रमा हस्ताक्षर गरेका छन् ।

नेपाली खेलकुद विकासमा योगदान दिने क्रममा हिमश्री फुड्सको रारा चाउचाउले आहा–रारा गोल्डकप फुटबललाई निरन्तर २५ वर्षदेखि मुख्य प्रायोजना गरिरहेको छ ।