रौतहट — चन्द्रपुर मेयर कप लिग टी–२० प्रतियोगिताको दोस्रो संस्करणअन्तर्गत बिहीबार सम्पन्न चन्द्रपुर प्रिमियर लिगमा समनपुर बोल्ट्सलाई ३७ रनले पराजित गरी चमनपुर सुपर किंग्स फाइनलमा प्रवेश गरेको छ । 

चन्द्रपुर–८ स्थित कोटीहोम खेल मैदानमा भइरहेको प्रतियोगितामा टस जितेर ब्याटिङ रोजेको चमनपुरले पहिलो पारीमा १४ चौका र ८ छक्काको मद्दतले ३ विकेटको नोक्सानीमा १ सय ७९ रन बनाएको थियो ।

अभिषेक तिवारीले २३ बलमा अविजित ५४ रन बनाए । एमडी समीरले ४१ बल खेलेर ४६ रन बनाए । प्रज्वल थापाले ३४ बल खेलेर ३८ रन बनाए । राज पटेलले ११ बलमा १० रन जोडे । राजेश यादवले ४ बल खेल्दै अविजित १२ रन बनाए । नविन यादवले ७ बल खेलेर ८ रन बनाए । चमनपुरका खेलाडीले अन्तिम ३ ओभरमा ५१ रन जोडेका थिए । समनपुर बोल्ट्सका नितेष यादव, सुमित श्रेष्ठ र संजय साहले १/१ विकेट लिए ।