रौतहट — चमनपुर सुपर किंग्सले चन्द्रपुर मेयर कप लिग टी–२० प्रतियोगिताको दोस्रो संस्करण अन्तर्गत बुधबार सम्पन्न चन्द्रपुर प्रिमियर लिगमा देवीपुर रोयल्सलाई १४ रनले पराजित गरेको छ ।

चन्द्रपुर–८ स्थित कोटीहोम खेल मैदानमा भइरहेको प्रतियोगितामा टस जितेर ब्याटिङ रोजेको चमनपुर सुपर किंग्सका नवीनकुमार यादव २४ बल बलमा अविजित ३२ रन बनाए । प्रज्वल थापाले ३९ बलमा ३५ रन बनाए । प्रतियोगिताको प्लेयर अफ द म्याच घोषित भएका राजेश यादवले १४ बलमा अविजित २२ रन बनाए । एमडी समिरले १९ बलमा १७ रन बनाए ।

अन्य खेलाडीले दोहोरो अंकको रन बनाउन सकेनन् । चमनपुर सुपर किंग्सले ८ चौका र ७ छक्काको मद्दतले ६ विकेटको नोक्सानमा १३६ रन बनाएका थिए । देवीपुर रोयल्सका निखिल सिहले ३ विकेट लिए । विशाल सुशलिङ, कमल गुप्ता र रैयन आलमले १/१ विकेट लिएका थिए ।