काठमाडौँ — तेस्रो थन्डर बोल्ट्स कपअन्तर्गत शनिबार यू–१६ छात्रा फुटसलमा एभीएम स्कुलले पुष्पाञ्जली स्कुललाई ३–० ले पराजित गर्दै स्वर्ण पदक जितेको छ ।

क्रिकेट यु–१२ क्रिकेटको उपाधि न्यु एराले जित्यो । न्यु एराले जेम्स स्कुललाई ५ रनले हरायो । बास्केटबलतर्फ यू–१६ छात्रतर्फ  मातृभूमि, रातो बंगला, जेम्स र एलआरआई सेमिफाइनलमा पुगेका छन् । क्वाटरफाइनलमा मातृभूमिले डीएभीमाथि ५४–१५ र जेम्सले लर्डस लाइट एकेडेमीलाई ३१–२७ स्कोरले पराजित गरे ।

यू–१८ छात्रा क्वाटरफाइनलमा गोल्डेनगेट कलेजले भ्याली पब्लिक स्कुललाई २७–२४ ले, जेभियर कलेजले इम्पेरियल कलेजलाई २८–६ स्कोरले हराएर सेमिफाइनल तय गरेका छन् । ब्लुवर्ड कलेज र जेम्स स्कुल पनि अन्तिम चार पुगेका छन् ।

टेबलटेनिसअन्तर्गत यू–१२ छात्रा एकलतर्फ एभीएमकी इशारा शाक्य विजेता भइन् । एभीएमकै एन्जिला क्षेत्री दोस्रो भइन् भने आरम्भ संस्कारकी प्रज्ञा महर्जन र एभीएमकी काव्या शाक्य संयुक्त तेस्रो स्थानमा रहे ।

यू–१२ छात्र एकलतर्फ डीएभीका रिभानमुनि बज्राचार्य प्रथम, एभीएमका आरभ मल्ल दोस्रो तथा डीएभीका आयांशु शर्मा रेग्मी र एभीएमका शिरीष शाक्य संयुक्त तेस्रो भए ।

यू–१५ छात्रा एकलतर्फ सेन्ट मेरिजकी सुरम्य शाक्य प्रथम, फ्युचर स्टारकी इरभिन महर्जन दोस्रो तथा एभीएमकी अर्सना महर्जन र लिटिल एन्जल्सकी पामिला जोशी संयुक्त तेस्रो स्थानमा रहे ।

यू–१५ छात्र एकलतर्फ भासरा सेकेन्डरीका रिजन शाक्य प्रथम, आरम्भ संस्कारका निश्छल थापा दोस्रो तथा न्यु होराइजन बुटवलका सुविन क्षेत्री र एभरेस्ट बोर्डिङका आर्यन शाही संयुक्त तेस्रो भए ।

यू–१८ छात्रा एकलतर्फ जेम्सकी नर्मदा खाइतु प्रथम, ग्लोरियाकी महिमा महतो दोस्रो तथा काव्याकी कृतिका न्यौपाने र एभीएमकी श्रेया शाक्य संयुक्त तेस्रो भए । यू–१८ छात्र एकलतर्फ भने एभीएमका प्रजिल भट्टराई प्रथम, जयस्नु महर्जन दोस्रो तथा ख्वपः स्कुलका युनिश सुवाल र समृद्धिका सार्थक मानन्धर संयुक्त तेस्रो भए ।

आर्चरी (सोकेस) च्याम्पियनसिपमा छात्रा एकलतर्फ जेम्सकी सानिया आचार्यले स्वर्ण, सुप्रिया अर्यालले रजत तथा सेलिब्रेसन को–एडकी रिदिमा श्रेष्ठले कांस्य जितिन् ।

छात्र एकलतर्फ सेलिब्रेसन को–एडका नोलन पाण्डेले स्वर्ण, जेम्सका आविष्कार आचार्यले रजत र जेम्सकै अरिन पराजुलीले कांस्य जिते ।

भलिबलको यू–१८ छात्रातर्फ सेमिफाइनलमा सेन्ट लरेन्सले इम्पेरियल कलेज तथा माउन्ट ओलिभले जेम्स स्कुललाई हराएर फाइनलमा स्थान बनाए । छात्रतर्फ सेमिफाइनलमा भने सेन्ट लरेन्स स्कुलले माउन्ट ओलिभ र मोलिसले ब्लुबर्ड कलेजलाई हराएर फाइनलमा सुरक्षित गर्‍यो ।