काठमाडौँ — नेपाली यू–१९ क्रिकेट टोली एसीसी यू–१९ एसिया कपमा बुधबार अफगानिस्तानसँग ६ विकेटले पराजित भएको छ ।  दुबईमा भइरहेको प्रतियोगिताको समूह ‘बी’ मा रहेको नेपालले लगातार तेस्रो हार भोग्यो ।

यसअघि नेपाल बंगलादेशसँग ७ विकेट र श्रीलंकासँग ८ विकेट पराजित भएको थियो । नेपाल बाहिरिँदा समूह ‘बी’ बाट श्रीलंका विजेता र बंगलादेश उपविजेताका भएर सेमिफाइनलमा पुगेको छ । समूह ‘ए’ बाट भारत र पाकिस्तान समूह विजेता र उपविजेता हुँदै अन्तिम चारमा पुग्यो ।

बुधबार नेपालले पहिलो ब्याटिङ गर्दै ४६.४ ओभरमा १ सय २४ रन बनाएको थियो । अफगानिस्तानले २६.५ ओभरमा ४ विकेट गुमाई १ सय १५ रनको लक्ष्य पूरा गरेको हो । उजेरुल्लाह नियाजाइले ७ चौका र २ छक्कासहित सर्वाधिक ६१ रन बनाए भने ओपनर ओस्मान सादतले २८ रनको योगदान दिएका थिए । नेपालबाट अभिषेक तिवारीले २, विपिन शर्मा र चन्दन रामले १–१ विकेट लिएका थिए ।